Mindat Myo (Brief History) 

Mindat Myoh cuh htum kcho kho ah kho päng myoh(ခ႐ိုင္ၿမိဳ႕)ah kya ci.Mindat Myoh cuh kcho kho ung om ca Kcho gui noh ami hlui ah kä kya ci.Ingkalik mang ah gakkap(အဂၤလိပ္မင္းတပ္)gui ah ngpung ngtai nak ciah ami pyein ung ka noh lo ci.Ingkalik gui noh Mva kho avan 1885 ung tu neh mchüt netah kcho kho lah Kachin kho cuh kdäih neh tu ba neh tuh chü Mindat ci ah chü nak ung Ingkalik gakkap gui ngpung ngtai u neh kya hleih kum kchuk sho hleih kcho gui on ngtu man ci gui.Akhngu ah Ingkalik lah Kcho kä ngtuk ba vai ah vang vei ah yum u neh Ingkalik mang ah gakkap gui kdäih neh ngpung ngtai ci gui.Ingkalik mang ah khem mang ဘုရင္ခံ akhma nak George lah kcho gui ah kcho ah ami mdüih ah Kyüi Hnga Om Hta cuh 1895 ung Ingkalik mang ah gakkap gui ami ngpung ngtai nak ah kya hleih Mindat ah hlui vai ah ami kbäi.Inkalik noh phih Ingkalik tu at neh kä mi ci en ba vai ah Kyüi Hnga Om Hta noh a khong mang gui vai lah Ingkalik ah uk nak ung a ngtoi püi vai ah တပ္ၾကပ္ကေလး pe neh leng neh ami uk chuk lo.A cun ung leng neh kyäp kyäp ah kchang gui, im gui da neh 1958 October ung Kanpetlet kho päng cuh htum kcho kho ah anglung pi ah kya ca Mindat cuh Kho Päng Myoh ah ami kplon.

Mission
K'cho chü, k'cho ng'thu on online ung mi ng'ngaih hlü ah:
- khanpughi lah Ahtindaw ah mong mi hmat lo pi hti hnging vai,
- mi zum nak a khän hnging vai,
- Mindat k'cho gui ah, mong lam, thung man gui a van nawh, sing k'chah hnguh hmat lo tu hnging vai,
- Hmo k'tho gui nawh k'cho chü, k'cho ca a mi hnguh hmat tu hnging vai.
Vision

Mindat k'cho gui pum kiäi hlü ah ghün gai neh, ng'mü m'cha hlü ah phih hti theing neh, phion nak a mi gah tu hnging vai. Mindat k'cho a mong kho m'dek pum ung a zat law vai. 

Fr. Timothy Ling Maung

Fr.Timothy Ling Maung
Coordinator of Mindat Chin Service
Khanpughi ah ng'htu ni kiün hngüp te hleih piein ci. Radio Veritas Asia Mindat k'cho ng'htu awn bi hnging vai khong mang ki.

 

Sr. Cecilia Thang Shing Mang

Sr. Cecilia Shinh Mang
Program Executive Officer
K'aw m'hlawn nak ung k'aw a ni vai piang htam ci. Kiaung khüi a mong lah gai gong nak ka mong radio ung piein ci.

 

Saya Bosco Thang-om

Saya Bosco Thang Om Päng
Program Announcer
K'cho ca a k'da phih gu neh k'aw hlawn nak ung khong mang neh bi ki.

 

About Us

Videos