Mindat khmo ktho gui suh shan nak Mindat zone ung om ci gui ah khmo ktho gui 4.11.2017 khüüp ung Thilin a theit neh suh shang ki gui. Thilin ung a mi büi awt ah khak ngat ah tawk tam nak a mi chüit vai ah kiak ki. khmo ktho gui 40 khe lo neh suh shang ki gui.
Ak chüit nak Hmo hto gui ng'bum neh suh shang ki gui. Mindat Zone hmo hto gui ak chüit nak hmo hto Missa cuh September ak ngih ung sacred Heart ng'bum im a suh shang ki gui. Missa a pyi ung hmo hto gui a i bi vai ng'bum neh ka mi piein ci. A cun kon a gawi ci ah chang ah im ah htit u neh suh shang ki mi shang ki. Hmo hto m'ku vai lo neh suh shang ki gui.
Deacon Ordination October 22 khngüp ung kiüh kheh St. theresa phayakyaung ung kozin Om ng'Ling, kozin Ng'Ling kyüi, kozin David lah kozin Ng'ling Näng gui cuh Hakha Sayataw Lucius Hrekung ah kut ung ktaigükhem gah ci gui.
Bawiphaya gui ng'bum neh suh shang ki gui Mindat zone ung om ci gui Bawiphaya gui Hilong ah theit neh ng'bum neh suh shang ki gui. August k'cha 8 ung Hilong ah Bawiphaya gha-le-hma ng'bum neh taigü ki gui. Hiong Bawiphaya Aung Thang Shing lah Zumtubum gui nawh k'chin nak ki gui.
