Local News

Kyong gui ung k'cho ca m'thei khai Saya, Sayamah gui m'thei m'thang nak August k'cha 1st ung leng ne tah 22nd ung ng'päng ci gui. Saya, Sayama kya tu hnging gui ah k'bäi nak ah Cayin cuh shin ah k'cha a ngpäng ung CEA k'cho ca Komiti noh m'dang khai.

Mangtat Gonu ah k'hngi lo lam täng m'htai gam hngu cuh CEA lah ng'khing ng'khoong ci gui noh vomhtu Mong Ng'düü Hngün ah pyang lo khaai gui ah kya hleih a cun ung ng'kyoh ng'leh ci gui , bikboi gui, phung tui um k'phek gui Friday leng neh gää hleei vai ah CEA ng'htoi noh pyein ci.

k'cho ca ngthei ngpäng nak poi hngüp 21. 8.2017 ( Monday) ung poi kä bi pha ung Motor mong läk vai gui ah mong Motor Palik gui noh lo neh m'thei mthang tu ci gui.

4.7.2017 k'hngüüp ung Mangtat go hne ung om ci ah kyong pya lah k'chüih kip (170) ung ka Saya, Sayamah gui (170)  Mangtat tah lo neh k'cho ca ami ng'päng ci gui. A cun cuh CEA k'cho ca ng'htoi noh täng pang neh k'hngüüp chuk (6) tän k'hlüng kyong (1) ung ng'thei ci gui. Ami ng'päng nak ah poi ung Mangtat pinnya mong khong, tän k'hlüng kyong k'thum ung ah kyong uk gui lah Mangtat kho päng pinnya khong gui phih kai lo tu ci gui.