Local News

Mindat Jesu GhùiMlùng Ktheíng Pí Ngbūm Im hngün ung om ca Kpámi Boarder Kyòng ung kyün khngüp tä kho-ngói mkhin nät 10 ung a ū phih kchò caa ngtheī hlü ci phung a i kä khmut ah kài hnging khaai kbäi pi ah kya hleih a u phih ngtheī tu hnging ci nei.

June kchaa 11,Kyün Khngüp ung Kchò Khò Cáng Aì Vonki Issac khen Mindat Jesu Ghùi Mlùng Ktheíng Pí Ngbūm Im ung phayà kyòng kài neh pahta kchang gùi mcäi m'ää ci.A cun ah a pyein nák ung Kchò Khò cuh phyaa ung 85 cuh Christian ah

Vomhtu Mong mhlüng mtaai nak ah kyè gup mdüih vaai lah shingghing paipai geit vaai ah a mòng bī hning vaai ah Hngün Päng Uk ​ေထြအုပ္​,Lungkhò Hngün သစ္​​ေတာဌာန,Gòhnē Cáng Aì စည္​ပင္​သာ​ေရး lah CEA ခ်ိဳလူမ်ိဳးစုအသင္​း gui nghngu u neh mà lam ah bī vaai gui nggè ngshòi ci guì.Kdäih neh bī hnging vaai ah CEA noh caa mkaai täng pang vaai gùi a bi lah vaai lah Cáng Aì Hngün စည္​ပင္​သာယာ​ေရး​ေကာ္​မတီ noh acòyah lam täng ah ngúi ghuì shàng neh a bī vaai ah pyein pit ci guì.

Lo khaai ah Monday lah Tuesday ung Lungkho Vonki Hngün သစ္​​ေတာဝန္​ႀကီးဌာန on nggè ngshòi neh bī loh a ngpäng ung leng neh ngvong kkyong ah paipai, shing ghing geit neh concret ktung nglìng neh mshì gūi ngvài on ngvong neh leng lō  vaai ah CEA pong hteī ci. Akkyong ah Vomhtu Mong ah Kyei Müüi Mcū kchò hlūi ahlūi on pyang pyaan vaai ah CEA angvái pi Pù Ngthang Tam noh pyein ci.